သက်ဆိုင်သူ သို့

သက်ဆိုင်သူ သို့

    လူတိုင်းရင်ထဲက အမှန်တရားက ဘယ်အရာနဲ့မှ တားဆီးလို့မရဘူး ဆိုသလိုပါပဲ။ ကျွန်တော်တွေ့ကြုံနေရတဲ့ ပတ်ဝန်းကျန် အခြေအနေကို အနည်းငယ်တင်ပြပါရစေ။ ဤအကြောင်းအရာသည် တနည်းအားဖြင့် ပြည်သူ့အသံပင်ဖြစ်ကြောင်း ၀န်ခံပါရစေ….။  

    ခုတလော ပြင်ဦးလွင် မှာ မီးတွေပျက်နေတာ သုံးရက် လောက်ရှိပါပြီ။ တစ်ရက်ကို ခြောက်နာရီ မီးပေးမည်ဆိုသော်လည်း ၅နာရီမပြည့်တပြည့်သာ………….။ လျှပ်စစ်စွမ်းအား ၀န်ထမ်းတစ်ဦးအားမေး ကြည့်တော့ ဤသို့ဖြေပါသည်.။
    မီတာခတိုးထားတော့ ပြည်သူတွေ သက်သာအောင် အချိန်ပိုင်းနဲ့ အလှည့်ကျပေးတာပါ အကို တဲ့
လာချိန်ကလဲမပြည့်၊ ဖျက်ချိန်ကျတော့စောဖျက်……………… လျှပ်စစ်မီးအားကိုးပြီး အလုပ်လုပ်တဲ့ လုပ်ငန်းတွေ။ စက်မှုလုပ်ငန်း အသေးစားတွေ၊ ပုဂ္ဂလိက စက်ရုံလေးတွေ ရေသန့်စက်ရုံတွေ အဲဒါတွေက လုပ်ငန်းကို ကြန့်ကြာစေ ပါတယ်။ တချို့အင်တာနက်ဆိုင်တွေဆို သုံးရက်လောက် ပိတ်ထားရတော့ ၀င်ငွေလဲထိခိုက်ပါတယ်။တနည်းအားဖြင့် နိုင်ငံဘဏ္ဏာ ငွေကိုထိခိုက်စေပါတယ်။ ကျွန်တော့်အထင် လျှပ်စစ်ဓာတ်အားတွေ အဲဒီ လောက်အထိ မရှားပါးပါဘူး။ ရေအားလျှပ်စစ်တွေ၊ လျှပ်စစ်ပင်မအားလိုင်းတွေ၊ ဂျိုးဖြူပိုက်တွေ၊ရဲရွာရေအားလျှပ်စစ်တွေ ရှိရဲ့သားနဲ့ မီးပျက်(မီးဖျက်) နေတာကတော့ လုံးဝ(လုံးဝ) သဘာဝမကျတာ အမှန်ပါ သက်ဆိုင်သူတို့ရေ။ ပြည်သူတစ်ယောက်က ဘယ်လိုပြောလဲဆိုရင်
    အမေလေး မီးသာပုံမှန်လာပါ မီတာခ ဈေးကြီးလဲပေးနိုင်အောင်ပေးပါ့မယ်အေ မပေးနိုင်ရင် မီးတာဖြုတ် သိမ်းသွားလိုက်ပေါ့ မီတာကြီးရှိနေပြီး မီးမလာတာလောက်စိတ်ညစ်တာမရှိဘူး……………။.
    ကဲအဲဒါသာကြည့်တော့ ဘယ်လောက်ပြည်သူတွေလျှပ်စစ်ဓာတ်အားကို အဓိက ထားသလဲဆိုတာ။ အဲဒါကို ပြောတဲ့သူက သူဌေးမဟုတ်ပါနော်………….. ဆင်းရဲသားလက်လုပ်လက်စားတစ်ဦးပါ………….။
-------ပြည်သူချစ်တဲ့ပြည်သူ့ အစိုးရ၊ပြည်သူ သမ္မတကြီး၊ ပြည်သူ့ဝန်ထမ်းဖြစ်အောင် ကြိုးစားကြစမ်းပါ ရိုးသားကြစမ်းပါ၊နိုးကြားကြစမ်းပါ---------လို့အကြံပြုပါရစေ။

    အရာရာမှာနောက်ကျကျန်နေတဲ့ မြန်မာနိုင်ငံကြီးကို ထပ်ပြီးနောက်မကျ၊အောက်မကျစေချင်တဲ့ အမျိုးသားရေးအမြင်နဲ့ ရေးနေခြင်းသားဖြစ်ပါတယ်။ မည်သည့်အဖွဲ့အစည်း၊မည်သည့်အစိုးရ၊မည်သည့်ပုဂ္ဂိုလ်ကိုမျှ တိုက်ခိုက်ပုတ်ခတ်နေခြင်းမဟုတ်ကြောင်း ၀န်ခံပါရစေ။နောက်တစ်ချက်က ပြင်ဦးလွင်လားရှိုး၊တစ်လျောက် မြေတွေတူး၊ ပိုက်လိုင်းတွေမြုပ် လယ်တွေဖျက်၊ယာတွေဖျက်၊ စိုက်ခင်းတွေဖျက်ပြီး အကောင်အထည်ဖော်နေသည့် သဘာဝဓာတ်ငွေ့ပို့ဆောင်ရေးပိုက်လိုင်းလုပ်ဆောင်မှုများသည်လည်း စဉ်းစားစရာတစ်ချက်ပင်………………..။
    ဒီသဘာဝဓာတ်ငွေ့တွေကို တရုတ်ကိုရောင်းမစားဘဲ လျှပ်စစ်ဓာတ်အားထုတ်တော့ နိုင်ငံသူနိုင်ငံသားတွေ လျှပ်စစ်လုံလုံလောက်လောက်ရမယ်လို့ မျှော်လင့်ပါတယ်။
----ပြည်သူသုံးလို့ ပိုလျှံမှ သာလျှင်ပြည်ပကို ပို့ပြီး ရောင်းချသင့်ပါတယ်------
အမိနိုင်ငံက ပြည်သူတွေ ပျော်ရွင်အဆင်ပြေမှသာလျှင် နိုင်ငံသာယာဝပြောငြိမ်းချမ်းမှာပါ။ အဲလိုမဟုတ်ရင် တော့ ငြိမ်းချမ်းရေးဆိုတာ ကမ်းမမြင်လမ်းမမြင်တော့ပေ…………………
----------ပြည်သူကိုချစ်တယ်ဆိုတဲ့ အစိုးရတိုင်းသည် ပြည်သူ့အကျိုးကိုသာ ရှေးရှုပြီး ဆောင်ရွက်တက်တာ ဗိုလ်ချုပ်အောင်ဆန်းကို နမူနာယူစေချင်ပါသည်။------
------ကိုယ်ကျိုးမစွန့်ချင်နေပါ ဘယ်သူသေသေငတေမာရင်ပြီးရောဆိုသော တစ်ဖတ်နားပေါက်၊ ကိုယ့်ဘို့ကိုသာသိသော စိတ်ဓာတ်များ စွန့်ပစ်နိုင်ကြပါစေ။----------
------ပြည်သူလဲစိတ်ချမ်းသာ၊ပြည်သူဝန်ထမ်းများလဲ အဆင်ပြေပျော်ရွင်၊နိုင်ငံ အကြီးအကဲအဆင်ပြေ၊အချုပ်အခြာအာဏာလဲ ပြည်သူရွေးကောက်တင်မြှောက်တဲ့ ပြည်သူ့အစိုးရပဲ ချုပ်ကိုင်၊ တရားဥပဒေ အထက်မှာ မည်သူမျှမရှိ၊ အခွင့်ထူးခံလူတန်းစားမရှိ၊ စည်းကမ်းရှရှိကြိုးစားသော ပြည်သူများ လူအခွင့်အရေးလေးစားသော ခေါင်းဆောင် များစသည် တို့ကိုသာ အလိုရှိကြောင်းဆုပန်ရင်း………………
မှတ်ချက်။    ။(ည ၁၁ နာရီ ရေတင်ရန်စောင့်ရင်းရေးသည်။)

အားလုံးကိုလေးစားလျက်

ကိုနော်(Wisdom Life)

Posted in: တိုးတက်ရေး, သုတ