မိုး..... Rain

 

မိုးနဲ့အတူ ကြည်နူးနေတဲ့လူရှိတယ်

 

လွမ်းဆွေးနေတဲ့လူရှိတယ်။

 

စိမ်းညို့ညို့သဘာဝတရားတွေရှိတယ်။

 

မိုးနဲ့အတူ လှပတဲ့ ပန်းတွေဖူးပွင့်တယ်။

 

ဘယ်ဆီပြေးလို့လွမ်းရမှန်းမသိတဲ့အ၇ာတွေလဲရှိသေးတယ်။

လ၀ါဆိုခါသမယ မှာ သွန်းချလိုက်တဲ့ မိုးရေစက်တွေဟာ ကမ္ဘာမြေကြီးရဲ့နေရာ အနှံ့အပြားကို စိုစွတ်အေးချမ်းစေပေမဲ့ ကျွန်တော့်ရင်ခွင်ရဲ့ခြောက်သွေ့ အကျည်းတန်နေမှုကိုတော့ ကုစားမပေးနိုင်ခဲ့ပါဘူး။အစကပထမက ဖြေးဖြေးနှေးနှေးရွာချနေပေမဲ့ မျက်မာန်တော်ငြိုး အမျက်တိုးလာပြီး တဝေါဝေါရွာ၊ မိုးကြိုးက တ၀ုန်းဝုန်း၊လျှပ်စီးက တလျှပ်လျှပ် တံစက်မြိတ်ကရေကျသံက တစက်စက်၊ခေါင်းမိုးပေါက်ကကျနေတဲ့ရေကျသံက တတောက်တောက် သံစုံတီးဝိုင်းနှင့် သူ့ဇာတ်သူ က နေသလိုပင်………………………….။
ဤအချိန်မျိုးကို ကျွန်တော်ဘယ်မှမထွက်ချင် မသွားချင်တော့ ဘယ်ဆီမှန်းလို့လွမ်းရမှန်းမသိ အိပ်ယာထဲသာ စောင် နဲ့ ကွေးနေမိတက်တယ်………………။
ရှုလော့ မိတ်ဆွေဟိုအဝေးဆီက မှိုင်းပျပျနှင့် မြွေတစ်ကောင်လို ရစ်ခွေနေသော တောင်တန်းကြီးများမှာ မြူခိုးများနှင့်ရစ်သိုင်းလို့……………………………….
၎င်းမြင်ကွင်းကိုကြည့်ရင်………အလွမ်းဓာတ်ခံရှိသူအဖို့ “ငိုချင်ရင်းလက်တို့” ဆိုသလို အလွမ်းအဆွေးများကို အသက်သွင်းပေးနေသလို………………………………………
သဘာဝဥတုမိုးကတော့ သူ့တာဝန်သူကျေပွန်စွာ ထမ်းဆောင်နေဆဲပဲ ဘယ်သူကြိုက်ကြိုက်မကြိုက်ကြိုက်ပေါ့…..
မိုးရွာလို့ ပျော်ရွင်နေကြတဲ့ သူတွေရှိသလို လွမ်းမောစိတ်ညစ်နေတဲ့ သူတွေလဲ ဒုနဲ့ဒေး……….ပါမည်မလွဲ။ စာဖတ်သူလဲ ဘယ်အမျိုးအစားထဲပါမည်မသိ………..။သိချင်စမ်းပါဘိ…………။
သဘာဝ သဘောတရားအရ အရာရာတိုင်းမှာကောင်းကွက်လဲရှိသလို ဆိုးကွက်လဲဒွန်တွဲပါစမြဲ………….။
ကောင်းခြင်းဆိုးခြင်းဟာ သက်ရောက်သူပေါ်မှာမူတည်သလို သက်ရောက်ခံရသူပေါ်မှာလဲ မူတည်ပါတယ်။ကျွန်တော့ရင်ထဲမှာတော့ မိုးရွာတိုင်းလွမ်းစိတ်ဆွေးစိတ်နဲ့ တရိပ်ရိပ်တက်လာခဲ့တာ ယနေ့တိုင်ပင်…………………………………………..လွမ်းပင်လွမ်းသော်ငြားလဲ ဘယ်ဆီမှန်းလို့လွမ်းရမည်မသိ…..။အဝေးတစ်နေရာက ချစ်သူဆီလား၊သူငယ်ချင်းတွေဆီလား၊ရေမြေခြား နိုင်ငံခြားနေတဲ့ မိသားစုဆီလား…..ညီလေးညီမလေးတွေကိုလား…………….။
ဘယ်ဆီမှတော့ မလွမ်းချင်တာတော့ အမှန်ပင်…………..။တစ်ခါတစ်လေလဲ လွမ်းရဆွေးရမှပင် ဘ၀က ရသ မြောက်သွားပေသည်။တစ်ခါတစ်လေမှာ လွမ်းစရာကိုပင် လိုက်၍ရှာနေတက်သူဟာ ကျွန်တော်ပါ။ ထိုအချိန်မျိုးတွေ “၀ါလိုက်ပါ့မိုး” လို့ပဲပြောရမလား။
မလွမ်းချင်လျှင် “ညိုပါနဲ့နော်မိုးရယ်" လို့ပြောရမလား။အမျိုးမျိုးပြောင်းလဲနေမိသည်။သို့ပေသော်ငြားလွမ်းစိတ်ဆွေးစိတ်က ကြာကြာမထားလိုသဖြင့်…………………..ဟုသာ ပြောလိုက်ချင်ပါသည်။

ကြိုးစားပါအုန်းမည်။
အစဉ်ကြိုးစားလျက်
ကိုနော် (Wisdom Life)

Posted in: ၀ထ္တုတို