ဘောက်ဖတ်ကလေး

ပန်းဝတ်ရည်တွေကိုသောက်သုံးပြီး လှပတဲ့ပန်းပွင့်တိုင်းပေါ်မှာ နားခွင့်ရတဲ့ လိပ်ပြာလေးတွေကို သင်တွေ့ဖူးမှာပေါ့။ လှပတဲ့လိပ်ပြာလေးတွေဆိုတာက ကြိုက်တဲ့ ပန်းပွင့်ကို စားသုံးခွင့်ရှိသလိုလောကကြီးကိုလဲ သူအပေါ်စီးမှ ခံစားခွင့်မြင်နိုင်ခွင့် ရှိပါတယ်။

လူတိုင်းလဲ ပြီးပြည့်စုံတဲ့ဘ၀တစ်ခု၊ လိုချင်တာရနိုင်တဲ့ "လိုတရ" ဘ၀တစ်ခုသင်ပိုင်ဆိုင်ချင်မှာပေါ့။
ဒုက္ခတွေကြုံနေလဲသင်စိတ်ဓာတ်မကျဖို့ ကျွန်တော်အဖြစ်မှန်တစ်ခုပြောပြပါရစေ။ နေရိပ်မလာခင်တော့ နေပူထဲလျောက်ရတာလူ့သဘာဝတရားတစ်ခုပါ
လှပတဲ့လိပ်ပြာလေးမဖြစ်ခင်က တရွှေ့ရွှေ့ပဲသွားလာနိုင်ပြိး အရွက်ကလေးတွေပဲစားသုံးနေရတဲ့ ဘောက်ဖတ်လေးကို တွေ့ဖူးကြမှာပါ။ ဘောက်ဖတ်လေးကနေရာကျဉ်းကျဉ်း
လေးမှာ ပဲပျင်းရိစွာနေရတာတွေ့ရလိမ့်မယ်။ ရက်အနည်းငယ်ကြာတဲ့အခါမှာ သူ့အပေါ်အခွံမာတစ်ခု လာဖုံးအုပ်ပြီး သူနေရခက် ထိုင်ရခက်သွားစရာရှိတာမသွားရ လာစရာရှိတာမလာရနဲ့ အခက်ကြုံပါလေရော။

သုတေသနကျောင်းသားတစ်ဦးက ဘောက်ဖတ်နှစ်ကောင်အနက် တစ်ကောင်ရဲ့အခွန်မာကို သူခွဲထုတ်ပေးပြီး အပြင်ထွက်ခွင့်ပေးခဲ့တယ် ။ ကံမကောင်းစွာပဲ ထိုဘောက်ဖတ်လေးသေဆုံးသွားခဲ့တယ်။
အခွံမာနဲ့ဘောက်ဖတ်လေးကတော့ တိုးထွက်လာနိုင်ပြီး အမြင့်ကိုပျံသန်းနိုင်တဲ့ လှပခန့်ညားတဲ့
လိပ်ပြာလေးအဖြစ်ပြောင်းလဲသွားခဲ့ပါတယ်။

ဒါပုံပြင်မဟုတ်ခဲ့ပါဘူး လက်တွေ့ဖြစ်ရပ်တစ်ခုပါ။
ဒီအခွံမာကြီးဟာ တခြားမဟုတ်ပါဘူး ။ စည်းကမ်း ဒါမှမဟုတ် အခက်အခဲ ဒါမှမဟုတ် အတွေ့အကြုံတစ်ခုဖြစ်တဲ့အတွက် ဒီအခွံမာလေးကိုကြံကြံခံပြီး တိုးထွက်နိုင်မှသာ အောင်မြင်လှပတဲ့ဘ၀တစ်ခု
ကို ကိုယ်စီလှမ်းနိုင်ကြမှာဖြစ်ပါတယ်။ ဒါကြောင့် အခက်အခဲတွေကြုံလာခဲ့ရင် စိတ်ဓာတ်မကျ၊မငိုကြွေး၊
အရှုံးမပေးပါနဲ့ ဘောက်ဖတ်လေးကို မြင်ပေးကြပါ။
သင်အောင်မြင်မယ်လို့ယုံကြည်ထားလိုက်ပါ။ သင်အောင်မြင်ပါလိမ့်မယ်။

ကြိုးစားလျှက်

ရဲသွေး(Wisdom Life)

Posted in: တိုးတက်ရေး, ရသ